LIGAWENNERS: Die eerste rugbyspan van Laerskool President Steyn is onlangs as die ligawenners aangewys, nadat hulle Laerskool Randhart, Laerskool Orion en Fairlands gewen het. Die span het ook onder die top vier spanne by die Goue Leeus-rugbyliga geëindig. Saam met hulle op die foto is JP Brummer (afrigter).
STAATMAKERS: Hier is die rugbyspelers van Laerskool President Steyn wat vir die Oosrand se o.11, o.12 en o.13 spanne opgeneem is. Saam met hulle is hul afrigter, JP Brummer.
SPELERS: Hierdie seuns van Laerskool President Steyn is vir die Suid Oos Rand liga (SOR) gekies. Die skool is baie trots op hulle.
DEUR NA PROEWE: Hierdie hokkiespelers van Laerskool President Steyn is deur na die finale rondte van die Oos-Gauteng hokkie proewe.
UITBLINKERS: Die o.12 hokkiespan van Laerskool President Steyn is as die ligawenners aangewys en hulle het derde in die Oos-Gauteng hokkie-liga geëindig.
100 PERSENT: President Steyn se eerste krieketspan is as ligawenners aangewys met ’n 100 persent wensyfer teen Laerskool Randhart, Laerskool Orion en Elspark. Hulle was ook gekroon as die Easterns kampioene nadat hulle Palview met nege paaltjies geklop het.
