VIDEO: Ondersteun gerus die ringtennisklub
As jy ’n liefde vir kompeteer het mag ringtennis dalk reg in jou kraal wees.
MISKIEN het jy al voorheen gewonder waarvoor daardie sportbane langs Florentia KFC in Tweedelaan is of miskien weet jy al klaar dat dit die Alberton Ringtennisklub is.
Ten spyte van tien bane waaro vier mense op ’n slag per baan gewoonlik speel, is dit ’n klein klub met min spelers.
Ringtennis is nou nie die bekendste sport ter wêreld nie, maar dis baie pret, ’n rustiger vorm van oefening en met genoeg oefening kan enigiemand dit sommer vinnig bemeester.
Daar word somtyds ernstige kompetisies gehou – soos volgende jaar se Ringtennis Wêreldkampioenskappe wat in Minsk, Belarus aangebied gaan word – so as jy ’n liefde het vir kompeteer mag ringtennis dalk reg in jou kraal wees. Daar is ook ’n vriendelike atmosfeer tussen spelers en almal kom goed oor die weg met mekaar omdat die groep so klein is.
Daar word twee keer per week oefensessies gehou – Dinsdae en Donderdae aande om 7nm. Dit hou gewoonlik aan tot so 8-8.30nm en daarna geniet almal ’n koppie koffie saam in die ringtenniskamer voordat hulle huis toe gaan. Dis mos nou lekker!
VIDEO:
Sluit gerus aan by die Alberton Ringtennisklub – enigiemand is meer as welkom. Kontak vir Elna Fensham op 071 450 9872 vir enige navrae.
For free daily local news in the south, visit our sister newspapers Alberton Record, Comaro Chronicle, Southern Courier and Get it Joburg South Magazine.
Remember to visit our Facebook, Twitter and Instagram pages. You can also email our offices on cvdwalt@caxton.co.za, juliem@caxton.co.za or luckyt@caxton.co.za
Add us on WhatsApp today! Comaro Chronicle: 079 427 8074 and Southern Courier: 079 404 5789.
