Albertonstoei spog met kampioene

Add as a preferred source on Google

ALBERTON – Alberton Stoei Akademie het vier stoeiers, Jacques Kriel, Michael Erasmus, Elton Verburg en Johan Lombaard opgelewer, wat Oos Gauteng Stoeivereniging tydens die Grieks Romeinse SA Kampioenskappe in Kempton Park verteenwoordig het, met die volgende uitslae:.

Jacques Kriel eerste plek onder 13, Michael Erasmus tweede plek kadette en Elton Verburg tweede plek seniors.

Ook gedurende die jaar het Alberton Stoei Akademie twee stoeiers (Jacques Kriel en Lizandrie Zandberg) gestuur na die SA Presidente Kampioenskappe in Kaapstad waar hulle Oos Gauteng Stoei vereniging verteenwoordig het, die uitslae waarvan soos volg: Lizandrie Zandberg eerste plek.

Voorts het stoeiers van Alberton Stoei Akademie, die Oos Gauteng Stoei vereniging verteenwoordig tydens die SA Jeug en Junior Kampioenskappe wat in Bloemfontein plaasgevind het.

Tydens hierdie kampioenskappe het Alberton Stoei Akademie se huidige SA Kampioene (Jacques Kriel S.A o.13 Grieks Romeinse kampioen 2013 en Lezandrie Zandberg S.A. Presidente kampioen 2013) hul weer goed van hul taak gekwyt en beide verower weer goue medaljes vir SA. Jeug 2013 om as dubbele SA kampioene gekroon te word. Thomas Duvenage het het hier ‘n derde plek vir ‘n brons verower.

Al hierdie stoeiers is tydens Alberton Stoei Akademie se prysuitdeling vereer, verslag waarvan volg in ‘n volgende uitgawe.