Heerlike Carols by Candlelight aand by Ligstad

'n Groot verskeidenheid kunstenaars het hul talente met die gehoor gedeel.

December 11, 2018

Monique van Wyk 1 minute read

"DIE LIGGIES": Jonges van Ligstad Recorder Group and Choir sing.

LIGSTAD het op 2 Desember ’n pragtige Carols by Candlelight in hul kerksaal gehou waar ’n groot verskeidenheid musiekkunstenaars en groepe hul talente met die gehoor gedeel het.

Kunstenaars wat tot die aand bygedra het sluit in Peter Rossouw, Ilse-Louise Herholdt, Erwee Jansen van Vuuren, Louis Walters, Coert Grobbelaar, IMBIZO, Reformerende Groep Sangers, Ligstad Recorder Group and Choir en Power Music Entertainment Young Performers.

Die saal was baie mooi volgens die Kersfeestema met kerse en blomme versier. Voordat elke kunstenaar en musiekgroep beurte gekry het om op te tree en die gehoor met die heilige Kersfeesgees te betower, is betekenisvolle boodskappe en Bybelverslesings eers met almal gedeel.

KERSFEESVIERINGS: Die Ligstad-kerksaal was pragtig versier.

Gehoorlede het ook elkeen ’n kersie ontvang wat gegloei het toe Silent Night begin speel het. Dit was beslis ’n hoogtepunt van die aand.

Ligstad wil graag almal bedank wie tot die sukses van die byeenkoms bygedra het, wie dit bygewoon het en wie so mooi opgetree het. Ligstad wens ook vir die gemeenskap ’n wonderlike Kersfees en voorspoedige nuwe jaar toe, met God se seën.