ALBERTON: ‘n Situasie wat deur die beplanner agterweë gelaat is, en die aandag ontglip het, is die vrye toegang van gestremde rolstoelgebruikers tot die terrein. Die sypaadjie wat van die omliggende straatvlak aan die parkie toegang verleen, is te hoog en rolstoelgebruikers kan nie sonder hulp en baie moeite die parkterrein self bereik nie, ‘n ware nagmerrie.
Die dkrywer, ‘n inwoner van Alberton, het Raadslid Isaac Berg enkele weke gelede genader oor die probleem. Tydens ‘n besoek ter plaatse is die probleem in oënskou geneem. Raadslid Berg het met ‘n uiters doeltreffende plan na vore gekom en die inwerkingstelling daarvan onderneem.
My groot verbasing; drie weke daarna kon die Jackson Dam vrye toegang aan rolstoelgebruikers verleen. Nou kan ons die fasiliteit ten volle geniet.
Mnr Isaac Berg, baie dankie dat u ‘n netelige probleem so gou en deeglik laat uitvoer het. U speel ‘n besondere rol in die welsyn van Alberton se inwoners. Nie soos die trekker se beloftes aan die miskruiers nie.
Groot dankie.
Hannes du Preez
