ALBERTON – Hulle het gister by ons ingebreek, ons hele kluis uit die muur gebreek, en hulle is weg met die kluis en sy inhoud.
My en my man se vuurwapens met ekstra rondtes, al ons waardevolle juwele, erfstukke van ons grootouers, soos onder andere ‘n familiering wat ons kind sou erf, ons paspoorte en ons testament wat al ons persoonlike en vertroulike inligting bevat, ons motors se spaarsleutels – alles is weg.
Daar is nie aan die televisies of rekenaars geraak nie. Ons kluis is uit die muur gebreek, asof hulle presies geweet het waar dit is en wat daar binne toegesluit was.
Net twee weke gelede het presies dieselfde ding by ons buurman net oorkant die straat gebeur. Ook net sy kluis met sy vuurwapens is uit die muur gebreek. Die vraag is: is dit net toeval, of het die kriminele toegang tot die databasis van die SAPD, wat ons huise besoek om inspeksie te doen vir vuurwapenlisensies?
Vra maar net.
*Geredigeer
