GALLERY: Brackenhurst VLU geniet modes deur die jare

Elke dekade se modes is eers verduidelik sodat almal iets kon leer oor die tydperk en tradisies.

November 20, 2018

Monique van Wyk 1 minute read

KNITTED KNOCKERS: Agt van die 10 gawe VLU Brackenhurst-dames wie Knitted Knockers aan Cansa geskenk het. Voor: Helene Hattingh. Agter: Rina Viljoen, Petro Toulson, Lucia Wilson, Marianne Ehlers en Rosa van der Spuy. Afwesig: Ina Botha en Elise Barnard.

HIERDIE was een vrolike byeenkoms met opgewekte klaviermusiek en modes oor die dekades heen.

VLU Brackenhurst het vir hul jaareindvergadering ’n modeparade gehou waar hulle met 13 dekades – van die 1900’s tot 2018 – se vroue-modes gespog het. Susie du Plooy was die seremoniemeester en het soos Eliza Doolittle in My Fair Lady aangetrek.

Barbara Steenkamp het ook die atmosfeer verder opgevrolik met klaviermusiek, terwyl die modelle in hul historiese uitrustings gepronk het. Die modelle, almal lede van dié tak, was Anna-Marie du Plooy (1900’s), Brenda van Zyl (1910’s), Helene Hattingh (1920’s), Barbara van Jaarsveld (1930’s), Lorraine Theron (1940’s), Petro Toulson (1950’s), Rina Viljoen (1960’s), Mienie Hewitt (1970’s), Jackie Birk (1980’s), Lucia Wilson (1990’s), Rosa van der Spuy (2000’s), Hannetjie Nolte (2010’s) en Cherita Morrison (2018).

Elke dekade se modes is eers verduidelik sodat almal iets kon leer oor die tydperk en tradisies.

Tien VLU-dames het ook gebreide prostetiese borste, Knitted Knockers, na die vergadering gebring sodat dit aan Cansa geskenk kan word. Hierdie prostese word deur Cansa versamel vir vrouens wat hul borste verloor het as gevolg van borskanker.

Die volgende VLU-vergadering sal volgende jaar plaasvind. Vir meer inligting hieroor, of om by die VLU Brackenhurst-tak aan te sluit, kontak gerus vir Susie du Plooy op 082 465 0044.