GALLERY: Ligstad vrywilligers word bederf
Dit was ’n heerlike oggend vol geselskap, vreugde en lag.
LIGSTAD se bestuurspan het op 7 Junie hul jaarlikse byeenkoms gehou waar hulle hul vrywilligers bedank en vir hul moeite en toewyding bederf het.
Dié byeenkoms was ’n lekker plaasontbyt by die De Landauer Restaurant in Alberton-Noord. Almal het om ’n groot, mooi-versierde tafel gesit met ’n koppie koffie en op elkeen se bord was ’n Ligstad-sleutelhouer uit hout gegraveer.
Alida Jooste, maatskaplike werker by Ligstad, het almal verwelkom en ’n brief van dankbaarheid namens Ligstad vir die vrywilligers voorgelees.
Die brief vertel dat dit vir Ligstad ’n voorreg is om hulle te kan bederf en tyd saam met hulle te kan deurbring. Hulle tyd, liefde en toewyding om Ligstad te help, gaan nie ongesiens verby nie.
Verder vertel die brief dat die sleutelhouer simboliek dra: “Jy vorm ’n eenheid in Jesus se sleutelhouer, saam met die ander vrywilligers en personeel van Ligstad, sodat jy jou spesifieke werk waarvoor jy geroep is, hier kan doen”.
In afsluiting sê die brief: “Mag jy goeie herinneringe koester van die tyd wat jy as vrywilliger hier by Ligstad deurgebring het en mag jy nóg opbou terwyl jy hier diensbaar is.”
Alida het met ’n tafelgebed afgesluit en almal het daarna hul ontbyt geniet. Dit was ’n heerlike oggend vol geselskap, vreugde en lag. Ligstad sien uit om hul vrywilligers weer te bederf volgende jaar.
Also Read:
[GALLERY + VIDEOS]: Ligstad Pre-Primary School learners learn about safety
Ligstad team excited about weekly services
For free daily local news in the south, visit our sister newspapers Alberton Record, Comaro Chronicle, Southern Courier and Get it Joburg South Magazine.
Remember to visit our Facebook, Twitter and Instagram pages. You can also email our offices on cvdwalt@caxton.co.za, juliem@caxton.co.za or luckyt@caxton.co.za
Add us on WhatsApp today! Comaro Chronicle: 079 427 8074 and Southern Courier: 079 404 5789.
