BRACKENHURST se VLU-jaar het op ’n uiters interessante noot op Januarie 23 afgeskop.
Na afhandeling van die gewone taksake, verwelkoming, lief en leed en nuwe sake om van kennis te neem, stap die vroue almal ’n klein entjie af in die straat na die huis van Rosa van der Spuy waar haar man, Ryno, met die vroue oor die kuns van Bonsai gesels het.
Ryno is ’n ingenieur en entoesiastiese lid van ’n bonsai-vereniging. Hy het oor die verskillende soorte bonsaibome, die versorging daarvan, faktore om in ag te neem, hoe mens ’n geskikte houer kies, vorm en struktuur gepraat. Hy het ook die lede stap-vir-stap gewys hoe om die grond vir ’n nuwe bonsaiboompie voor te berei.
“Ek kies ’n geskikte houer/pot vir die spesifieke boom wat ek gaan plant, hoe ek die boom gereed kry en uiteindelik plant,” het Ryno gesê.
Dames kon sy versameling bonsaibome van piepklein tot redelik groot bewonder. Nadat hulle meer van bonsaibome geleer het, het hulle na die NG Brackenhurst Kerk teruggekeer om lekker te eet en gesellig saam te kuier.
For free daily local news in the south, visit our sister newspapers Alberton Record, Comaro Chronicle, Southern Courier and Get it Joburg South Magazine.
Remember to visit our Facebook, Twitter and Instagram pages. You can also email our offices on cvdwalt@caxton.co.za, juliem@caxton.co.za or luckyt@caxton.co.za
Get regular news updates sent directly to your inbox: Newsletter-Signup
