Jongmense raak betrokke by Hospice

Add as a preferred source on Google

ALBERTON – Drie leerlinge van Hoërskool Dinamika het verlede week gewys hoe jongmense ook betrokke kan raak by gemeenskapsprojekte om so ‘n verskil in hul medemense se lewens te maak.

Clorinda van Blerk, Jenilee Robinson en Renique Venter (voor) het op eie inisiatief sakke vol tweedehandse klere bymekaar gemaak en aan die Stepping Stone Hospice & Care Services in New Market Park geskenk.

Vrywilligers by die Hospice verkoop die klere en fondse wat so ingesamel word, en dit word dan vir die aankoop van medikasie gebruik.

Personeel by die Hospice het die meisies toegespreek en hulle toegerus met ‘n beter insig oor die werksaamhede en die rol van ‘n Hospice binne ‘n gemeenskap.