Betel Kerk se jaarlikse fondsinsameling
FONDSINSAMELING: Die Betel kerk het onlangs hul jaarlikse fondsinsameling saam met motorfietsklubs gehou
ALBERTON – Die Betel Kerk het elke jaar ’n fondsinsameling wat hulle saam met motorfietsklubs aanpak.
Hierdie jaar het hulle onbederfbare kos en toiletware vir ’n ouetehuis in Boksburg ingesamel.
Hierdie is die vierde jaar wat hulle saamspan vir hul jaarlikse gemeenskapsprojek. Die motorfietsklubs wat hierdie jaar betrokke was, was Fox on the run, PPK Klein Begin, Skeleton MCC East Rand, CMA Vereeniging en Undaunted Central Club.
Die motorfietsklubs het ook ’n ontbyt saam geniet voor hul ‘n oggenddiens by die Betel Kerk bygewoon het.
Daar is wel nog kans om donasies te maak en vir diegene wat ‘n skenking wil maak kan Johnny bel op 083 259 5932 of vir die Betel Kerk ’n epos stuur na kantoor@betel.co.za
Daar is ook vanjaar 40 komberse deur ‘n anonieme persoon geskenk.
