GiG seniors presteer
Ligstad se GiG bejaardes is vir hulle harde werk beloon en al vier het eerste en tweede plekke met hulle items behaal.
LIGSTAD se seniorgroep, GiG, het gedurende Maart vir die tweede keer die geleentheid gekry om hulle handewerk in te skryf by Tutela se 46ste Intergroepdag.
Die Intergroepdag is ’n geleentheid waar seniorgroepe binne die Hoëveldstreek van Tutela die geleentheid het om hulle handewerk in te skryf in verskillende kategorieë.
Vanjaar se kategorieë was hekel-, brei-, masjien- en handborduurwerk, kunsvlyt, vars produkte, gebak, gebottel, stokperdjies, groepprojek en fotografie en skryfkuns.
Die inskrwyings word volgens ouderdomsgroep beoordeel vir bejaardes tussen 55 en 69, 70 en 79 en 80 jaar en ouer.
Daar is fluks gewerk deur die jaar en vier van die seniors wat by GiG inskakel het deelgeneem en hulle het gespog met hul krale-, brei-, hekel- en houtwerk.
Hulle is beloon vir hulle harde werk en al vier het eerste en tweede plekke met hulle items behaal. Ligstad is baie trots op hulle en ook op van ons ander lede wat deur ander groepe waar hulle betrokke is ingeskryf het en mooi presteer het.
*Foto en berig deur Ligstad verskaf.
For free daily local news in the south, visit our sister newspapers Alberton Record, Comaro Chronicle, Southern Courier and Get it Joburg South Magazine.
Remember to visit our Facebook, Twitter and Instagram pages. You can also email our offices on cvdwalt@caxton.co.za, juliem@caxton.co.za or luckyt@caxton.co.za
Get regular news updates sent directly to your inbox: Newsletter-Signup
