Ranties se langasems
By die Albertonkampioenskappe vir landloop het 21 Laerskool Randhart leerders vir die volgende rondte gekwalifiseer.
LAERSKOOL Randhart se langasems het op 16 Augustus by Rietvlei aan die Alberton Landloopkampioenskappe deelgeneem.
By die kampioenskappe het die eerste 15 atlete vir die distrikkampioenskappe gekwalifiseer.
“Ons is baie trots op almal wat deelgeneem het,” het Michael Boucher names Laerskool Randhart gesê.
Uit die wat deelgeneem het, het 21 Ranties gekwalifiseer om aan die Distrikampioenskappe te gaan deelneem.
Ivan Mulder, Lucas du Plooy en Milan de Jager het gekwalifiseer in die o-9 seuns en in die o-9 dogters het Suné-Louise Prinsloo, Ava Allen, Taylin de Jong en Melinique Nel gekwalifiseer.
Onder die o-10’s het Ruan Mulder, Tyran Brooks, Zaviër Swanepoel, Janneke Bierman, Kian-Leigh Vetter en Mieke Lok deurgedring.
Teneal de Jong en Lowella da Serra verteenwoordig die o-11 dogters en Wiann Botha en Juan Korsten die o-11 seuns.
Simone van Niekerk en Caitlin Green dring deur na die o-12 kampioenskappe.
Wian Steenkamp het gekwalifiseer om as o-13 seun deel te neem en Janien Korsten, Lisé Becker en Maryke Jordaan gaan aan die o-13 dogters wedloop deelneem.
“Baie sterkte aan die atlete,” het Michael die atlete aangespoor. “Sien julle daar.”
