Marais Viljoen se swemspan gaan van krag tot krag en het hulself hierdie jaar in ‘n hoër liga ingeswem nadat hulle die Interhoër gala, B-liga gewen het. Die Interhoër is op 3 Maart gehou en die swemspan skuif nou op na die tweede afdeling van die A-liga.
Die volgende leerders het in hul items uitgeblink en dring deur na die Prestige byeenkoms:
*Hanna Rathbone (o.14 meisies) – Wen 200m individuele wisselslag, 50m vlinderslag en 50m vryslag.
*Dylan Wiid (junior seuns) – Wen 200m individuele wisselslag.
*Chayenne Barros (o.16 meisies) – Wen 50m vlinderslag, tweede in meisies ope 200m vryslag.
*André Laubscher (o.17 seuns) – Wen 200m individuele wisselslag, 50m rugslag en 50m vlinderslag.
*Nathan Smook (o.17 seuns) – Wen 200m vryslag en ope seuns 50m vlinderslag en 50m vryslag.
*Nicole Frey (o.17 meisies) – Wen senior meisies individuele wisselslag en 50m vlinderslag.
